С. Д. Асфендияров атындағы Қазақ ұлттық медицина университеті ата-аналарды балалардағы АСБ ерте диагностикалау жүйесін сынақтан өткізуге қатысуға шақырады. 2025–2027 жылдарға арналған Қазақстан Республикасындағы аутизм спектрінің бұзылыстары (АСБ) бар балаларға кешенді көмек көрсетуді жетілдіру жөніндегі 2025 жылғы 9 қаңтардағы №10 Жол картасы аясында С. Д. Асфендияров атындағы Қазақ ұлттық медицина университеті көздің қозғалысын бақылау технологиясын (eye-tracking) пайдалана отырып, АСБ ерте диагностикалау жүйесін апробациялауды бастайды.

Неліктен біз сіздерді шақырамыз?
Біз зерттеуге қатысу үшін жасы 8 айдан 3 жасқа дейінгі (36 айға дейінгі) балаларды іздейміз. Сіздің көмегіңіз:
• АСБ ерте анықтау бойынша ғылыми білім мен тәжірибені дамытуға үлес қосуға;
• Көз қозғалысын бақылау технологиясының балалардың ерте көру қабылдау ерекшеліктерін анықтаудағы тиімділігін түсінуге;
• Болашақта балалар мен олардың отбасыларына арналған диагностика мен қолдауды жақсартуға мүмкіндік береді.

Маңызды ақпарат:
• Қатысу ерікті түрде жүргізіледі. Ата-аналар кез келген уақытта ешқандай салдарсыз бас тартуға құқылы.
• Бұл зерттеу медициналық көмектің орнын баспайды және баланың ем алуына немесе дәрігерлік бақылауына әсер етпейді.
• Зерттеу барысында ем немесе ине салу болмайды. Процедура – тек баланың қысқа бейнероликтерді қарау кезіндегі көз қозғалысын бақылау.
• Технология диагноз қоймайды. Ол тек әрі қарай бақылау немесе тексеруді қажет етуі мүмкін көру назарындағы ерекшеліктерді анықтайды.
• Қатысу алдында жазбаша ақпараттандырылған келісім алынады (нысаны хатқа қоса беріледі).
• Жоба жергілікті биоэтика комитетінің (ЖБК) қорытындысын алған.

Зерттеу қалай өтеді?
• Өткізу орны: Алматы қ., үздік тәжірибе орталықтарының бірі -№4 қалалық емхананың 332-кабинеті.
• Жабдықтар: көз қозғалысын бақылауға арналған екі құрылғы -GazePoint аппараты және iPad қолданылады.
• Процесс: бала экраннан қысқа бейнероликтерді қарайды (әр құрылғыда шамамен 3 минут). Барлық процедура шамамен 10 минут уақыт алады және жайлы, тыныш ортада өтеді (бала ата-анасының тізесінде отыра алады).
• Қарау барысында құрылғылар баланың көз қозғалысын және экрандағы қай элементтерге назар аударғанын тіркейді.

Сұрақтарыңыз болса немесе қатысу мүмкіндігін талқылағыңыз келсе, шешім қабылдамас бұрын маманмен хабарласа аласыз:
Имаматдинова Азиза (WhatsApp): +7 702 024 9250
Электрондық пошта: imamatdinova.a@kaznmu.kz / azizaimamatdinova0@gmail.com